اللغة الإنجليزية التطبيقية

بتحب الإنجليزي؟ وحاب تطوّر مهاراتك فيه بشكل عملي وتستخدمه بالحياة والشغل؟ هون بيجي تخصص اللغة الإنجليزية

التطبيقية… تخصص بيعطيك المفاتيح لتفهم العالم، وتتواصل بثقة في اي مكان!

تخصص اللغة الإنجليزية التطبيقية مش بس دراسة كتب وقواعد… هو تخصص بيركّز على كيف تستخدم اللغة بالحياة الواقعية،

بالتواصل، بالتعليم، بالإعلام، وبسوق العمل.

الهدف من هالتخصص؟ إنك تصير تحكي ،تكتب ، تقرأ وتفهم الإنجليزي بطلاقة، وتعرف كيف تطبق اللي تعلمتة عن هاي اللغة

بمواقف حقيقية، مو بس امتحانات!

شو رح تتعلّم؟ رح تاخد مواد مثل: مهارات الكتابة، المحادثة، الترجمة، النطق، اللغويات، واستخدام اللغة بالتعليم أو الإعلام.

وكمان رح تطوّر مهارات التواصل، التفكير النقدي، والتحليل.

حاليا التخصص يدرس في (الجامعة الاردنية) بعدد ساعات (132) ومعدل القبول لسنة 2024(97.4)
(جامعة اليرموك) بعدد ساعات (132) ومعدل القبول لسنة 2024(90.05)
(جامعة مؤتة) بعدد ساعات (132) ومعدل القبول لسنة 2024(88.45)

وبعد ما تتخرج؟ في فرص كثير قدامك: تدريس، ترجمة، كتابة محتوى، علاقات عامة، تسويق، مراكز لغات، أو حتى تشتغل مع

شركات عالمية أو تكمل ماجستير برا!

يعني لو بدك تخصص عملي، ممتع، ومطلوب… واللغة الإنجليزية قريبة لقلبك، تخصص الإنجليزي التطبيقي ممكن يكون خيارك
الانسب!

تعرف أكثر على تخصص "اللغة الإنجليزية التطبيقية" من خلال هذا الفيديو