اللغتين الألمانية والانجليزية

"تخصص اللغة الألمانية والإنجليزية هو تذكرتك لعالم مليان فرص… من أوروبا لأمريكا!"

شو حيصير لو دمجنا لغتين من أقوى لغات العالم، وحدة لغة التكنولوجيا والصناعة (الألمانية)، والثانية لغة العالم والإنترنت

(الإنجليزية). تخصصك مش بس لغات، هو مهارة، ثقافة، وسلاح بيدك للمستقبل.

تخصص اللغة الألمانية والانجليزية بعلمك كيف تتقن اللغتين قراءة وكتابة ومحادثة، وبتدخل من خلالهم على عوالم ثقافية وسياسية

وفكرية كبيرة… وكل هاد بأسلوب ممتع وتدريجي حتى لو ما عندك خلفية قوية من قبل.

الهدف من دراسة التخصص؟

إنك تطوّر لغتك وتفكيرك، وتصير شخص قادر يشتغل أو يكمّل بأي مكان بالعالم، ويكون عندك وعي ثقافي ولغوي عالي. في

اللغتين
خلال دراستك، رح تتعلم:

قواعد اللغتين، المحادثة بطلاقة، الترجمة، كتابة أكاديمية، تحليل نصوص، مصطلحات إعلامية، ثقافة المجتمع (الألماني)، وحتى

كيف تفهم طريقة تفكيرهم.

حاليا التخصص يدرس في (جامعة اليرموك ) بعدد ساعات (132) ومعدل القبول لسنة 2024(83.45)

(الجامعة الاردنية) بعدد ساعات (144) ومعدل القبول لسنة 2024(92.5)

ووين ممكن تشتغل؟

مترجم، مدرس، في السفارات، شركات أجنبية، إعلام، سياحة، تدريب، علاقات دولية، أو تكمل دراسات عليا بأي تخصص مرتبط

باللغات أو التواصل.

إذا بتحب تتعلم لغات، وبدك تخصص اله مستقبل …
اللغة الألمانية والإنجليزية خيارك الذكي!