الأمن السيبراني
فريق جو أكاديمي
حاسس إنك شاطر بحل الألغاز وبتحب التكنولوجيا؟ تخيّل تكون الشخص اللي بيحمي العالم الرقمي!
هون بيجي دور تخصص الأمن السيبراني.
تخصص الأمن السيبراني:
هو التخصص اللي بعلمك كيف تحمي البيانات، الأنظمة، والشبكات من الهجمات والاختراقات. باختصار… خط الدفاع الأول في عالم التكنولوجيا!
هدف التخصص:
يزودك بمهارات نظرية وعملية تحمي فيها المعلومات من التهديدات الرقمية وتحافظ على خصوصية الأنظمة.
خلال دراستك، رح تتعلم:
التشفير
أمن المعلومات
الاختراق الأخلاقي
شبكات الحاسوب
ولغة بايثون
وين يُدرّس؟
موجود في أغلب جامعات الأردن – زي الأردنية، اليرموك، العلوم والتكنولوجيا، مؤتة، الزرقاء، وغيرهم.
عدد الساعات: 132
معدلات القبول لسنة 2024: من 85% - 93% تنافس، وبحد أدنى 65% موازي.
بعد التخرج، شو ممكن تشتغل؟
مستشار أمن سيبراني
محلل فيروسات
مدير أمن معلومات
مهندس شبكات
أو تكمّل دراسات عليا وتصير دكتور جامعي!
كلمة أخيرة؟
إذا كنت بتحب التحدي، وعندك شغف بحماية العالم الرقمي…
الأمن السيبراني هو مستقبلك!
تعرف أكثر على تخصص "الأمن السيبراني - أمن المعلومات والفضاء الإلكتروني" من خلال هذا الفيديو